Gut Förstel Glöckchen - Ausgabe 01/2019

MUNDART 38 `s is noch net Weihnachtszeit, do haaßt`s: Gaab`s Gott, deß racht bals schneit. E grüne Weihnacht gieht net – naa. Am Heilign Obnd hot`weis ze saah! Kaum se de Feiertog vorbei, müsst`s of dor Stell glei Frühgahr sei. „Ach wär dar alte weise Drack när glei Neigahr schie wieder wag…“ Dor Tannebaam grod nausgeflugn, werdn de Tomaten rahgezugn. Dor Schwibbuugn kah net ewig stieh, weil itze muß is Saatgut hie. De Weihnachtsmanner aus Schokolade, die klatsch mor nei de Schrankschublade, weil bald dor Usterhoos dort stieht. `s is jedes Gahr desselbe Lied. Und kaaner will meh Wallnüss ham. Wos mach mor`n mit die Beiteln zam? De Gans Cordaut, nu gibt`s bald Hoos. Wu hatt mor däh is Ustergroos? Und guck när naus: `s wärd gar net hall. E Grau in Grau – mor kricht n Knall! Genervt, kaputt, ach wenn`s doch när nu endlich Sommer wär…! Als hätt dor Petrus des gehärt, wärd uns e warmer Mai beschert. Und wieder züm Beschwerdn e Grund: „Die Htz im Mai is net gesund!“ Of Wärm hot itze niemand Lust. Dor Urlaub is erscht im August. Nooch 14 Toogn bei 30 Grad vorgieht aah an dor Sonn de Frad. Is Fass is leer – es wär denn bang. S müsst mol regne – richtig lang! Nu regnt`s sich`s zwee, drei Toog wenig ei, do gieht`s schie wetter, is Geschrei: „Dar Dauerregn, dar kotzt enn ah! Als wenn`s net langsam gut sei kah! Dor Rasen stieht drei Zentimeter, und bei dar Näss kah mer net feter…“ Is ganze Gahr e Weh und Ach. Aber is ganze LAABN is Ahsichtssach… Diane Reinhold „Mahrgutschen, Grusguschen, Sperrguschen..“ AHSICHTSSACH Gut Förstel Glöckchen • Unsere Hausnachrichten - Ausgabe 01/2019