12 / 28
11. Dezember
När zen Agucken
Ze Weihnachten möchte aah e Nußknacker sei.
Wos sog iech? När aaner? Bei mir sei`s gelei
vier Dingrichn, die stinne in Reih un Glied
un machen als Wachter de Weihnachtszeit miet.
Die dechten sich frei, un die traten eich do
un gucken barbeißig von Schrank ze uns ro.
Dar aane is König, dar annre sugar
e terkischer Sultan, der dritte Husar,
der vierte Schandarm aus der kaiserlichn Zeit.
Wie bies dar enn aguckt: „Iech fraß eich, ihr Leit!“
Un allezamm reißen ihr Maul se weit auf.
Warüm? Nu, die Prügeln, die warten bluß drauf,
doß aaner ne bal mol ze knacken wos gibt
un zwischen de Zäh ene Nuß mol neischiebt.
Dodrauf ober könne se warten wie lang!
Dä doderfür sei die net do, kaa Gedank!
Fer suwos is fer dan, dar su enn Kerl hot,
die Galdausgob ober nu werklich ze schod.
Zen Agucken namlich när stellt mer sche hie,
un Nußknacker – sanne die epper net schie?
Manfred Pollmer