10. Dezember
Hutzenobnd
Zum Hutzenobnd lod iech heit ei,
kummt in de gute Stub miet rei,
seit alter Zeit is`s bei uns su –
erscht of dr Ufenbank, do sei mr fruh;
mr habn uns meitog ofs Hutzen gefrat,
drim stinne aah wieder viel Stühl parat;
bestimmt kimmt dr Franz mit seiner Fried,
die brenge is Schnitz- un is Klippelzeig miet,
über dies un gäns ward heit gequatscht,
aah über manche Leit gelatscht –
när Gutes – des versicher iech,
kennt mor`sch glaabn, des is kaa Lüg;
gekost waarn heit Plätzle aus Zucker un Zimt,
nu wart mr o, waar noch allis kimmt ... ?!
Hanna Roßner