7. Dezember
Dr Leichter
Su lang iech mich derinnern ka,
hot`s aah dan Leichter gabn.
Ar stieht geds Gahr zer Weihnachtszeit
ben Raacherma dernabn.
Ar wor mol när e Stickel Hulz,
un käner wäß, wie alt.
Dos hot dr Voter mitgebrucht
aus unnern Haamitwald.
Ar hot dan Leichter draus gemocht,
su huch, un su schie rund.
Derbei hobn mir ne zugeguckt
in trauter Dammerstund.
Dr Voter is schun lang ni meh,
dos is abn su, im Labn.
Sei Leichter ober, dar stieht do,
ben Raacherma dernabn.
Dorothea Uhlmann