9 / 28
8. Dezember
De Vürweihnachtszeit
Es ward net lang dauern, do fängts a ze schnei!
Mir huln e wing Reisig un Zappen rei.
Mir schmücken de Stub mit viel Tannegrü,
dä de Vürweihnachtszeit, die is doch su schie.
Dr Bargma, dar hot schu sei Licht aufgesteckt,
dernabn sich dr neie Nussknacker reckt.
De Peremett hobn mir toglang schu gieh,
dä de Vürweihnachtszeit, die is doch su schie.
Obnd sitzen mer zam, s wird gestrickt un genäht.
De klaane Maad braucht für de Pupp e Kläd.
Do ka mer vür elfe ze Bett net gieh.
De Vürweihnachtszeit strengt a, aber is schie!
Regine Seifert