4. Dezember
Dr Engel
Mir hobn an unnern Fanster
enn Lichterengel stieh,
ar hot e rachtes Alter
un sieht nimeh su schie.
Sei Kläd is bill verblichn,
es Nasel hot en Schmiss,
ar hot sich dra gestußn,
wie dos im Labn aah is.
Un is aah unner Engel
ball hunnert Gahr nu alt,
sei Licht scheint hall wie immer
naus in de Winterwalt.
Tutt Fried un Fräd verkündn
ged`s Gahr zer Weihnachtszeit,
lässt zuenannder finden
de klän un grußen Leit.
Dorotea Uhlmann